• አርባ ምንጭ የኒቨርሲቲ ለ33ኛ ጊዜ ሊያስመርቅ ነው

  • የአርባ ምንጭ ዩኒቨርሲቲ ተማሪዎች ምረቃ በዓል

  • የአርባ ምንጭ ዩኒቨርሲቲ ሕክምናና ጤና ሳይንስ ኮሌጅ 87 የሕክምና ዶክተሮችን በመጪው ቅዳሜ ያስመርቃል

  • 33rd virtual graduation ceremony for Master and Undergraduate students on 5th Sept.

  • አርባ ምንጭ የኒቨርሲቲ በመጀመሪያና በሁለተኛ ዲግሪ መርሃ ግብር ያሠለጠናቸውን ተማሪዎች ለ33ኛ ጊዜ ሊያስመርቅ ነው

  • Welcome to Arbaminch University

  • ዩኒቨርሲቲው 140 የሕክምና ዶክተሮችን ሊያስመርቅ ነው

  • 6th batch Medical Doctors graduation

  • ICT In education-university school partnership project

  • አንድ ቅዳሜን ለህዝቤ

  • አቶ ኦባንግ ሜቶ በዩኒቨርሲቲያችን ተገኝተው ለተማሪዎቻችን በአገራዊ አንድነት፣ የሠላምና የመቻቻል እሴት ግንባታ ዙሪያ የማነቃቂያ ንግግር ያደርጋሉ

  • 5th batch of Doctors of Medicine to be graduated on 1st December

  • Happy New Year, 2011 E.C

  • Welcome to Arba Minch University!

አርባ ምንጭ ዩኒቨርሲቲና የኢትዮጵያ ጂኦ ስፓሻል ኢንፎርሜሽን ኢንስቲትዩት ለዘርፉ ዕድገት በጋራ ለመሥራት ተስማሙ

Tuesday, 03 November 2020 14:25

አርባ ምንጭ ዩኒቨርሲቲና የኢትዮጵያ ጂኦ ስፓሻል ኢንፎርሜሽን ኢንስቲትዩት በጂኦ ስፓሻል ትምህርትና ሥልጠና፣ ምርምር፣ ዕድገት እንዲሁም መረጃ ልውውጥ ላይ በጋራ ለመሥራት የሚያስችላቸውን የመግባቢያ ስምምነት ተፈራረሙ፡፡

የኢትዮጵያ ጂኦ ስፓሻል ኢንፎርሜሽን ኢንስቲትዩት ጄኔራል ዳይሬክተር ዶ/ር ቱሉ በሻ እንደገለጹት ተቋሙ ከዚህ ቀደም የኢትዮጵያ ካርታ ሥራዎች ድርጅት በሚል ስያሜ ሀገሪቱን ለ74 ዓመታት ያገለገለ፣ አንጋፋና በዘርፉ ከፍተኛ ልምድ ያለው ሲሆን የጂኦ ስፓሻል መረጃዎችን የመሰብሰብ፣ የማምረት፣ የማከማቸት፣ የማስተዳደርና የማሰራጨት ተልዕኮ የተሰጠው መንግሥታዊ ተቋም ነው፡፡ ተቋሙ ከአርባ ምንጭ ዩኒቨርሲቲ ጋር በትብብር መሥራቱ ለዘርፉ ዕድገት የራሱ ሚና እንደሚኖረው የገለጹት ዶ/ር ቱሉ በተለይ ዩኒቨርሲቲው ለዚሁ ዓላማ ያሠራውን ግዙፍ ማዕከል በመጠቀም ማዕከሉ በደቡብ የሀገራችን ክፍል የጂኦ ስፓሻል ትምህርት፣ ሥልጠናና ምርምር እንዲሁም የልኅቀት ማዕከል እንዲሆን እንሠራለን ብለዋል፡፡  ፎቶዎቹን ለማየት እዚህ ይጫኑ

Read more: አርባ ምንጭ ዩኒቨርሲቲና የኢትዮጵያ ጂኦ ስፓሻል ኢንፎርሜሽን ኢንስቲትዩት ለዘርፉ ዕድገት በጋራ ለመሥራት ተስማሙ

 

አርባ ምንጭ ዩኒቨርሲቲ በኮቪድ-19 ምክንያት የተቋረጠውን የመማር ማስተማር ሥራ ለማስጀመር ቅድመ ዝግጅት ማጠናቀቁን ገለፀ

Saturday, 31 October 2020 11:06

ዩኒቨርሲቲው ለ7 ወራት በኮሮና ቫይረስ ምክንያት ተቋርጦ የቆየውን የቅድመ ምረቃ ትምህርት ለማስጀመር በመማር ማስተማሩ ዘርፍ አስፋላጊውን ዝግጅት ማጠናቀቁን የዩኒቨርሲቲው አካዳሚክ ጉዳዮች ም/ፕሬዝደንት ዶ/ር የቻለ ከበደ ገልፀዋል፡፡

እንደ ም/ፕሬዝደንቱ ገለፃ ዩኒቨርሲቲው የኮሮና ቫይረስ ከመከሰቱ ጋር ተያይዞ ተቋርጦ የቆየውን የገፅ ለገፅ ትምህርት ለማስጀመር ከመንግሥት የተላለፉ መመሪያዎችን መሠረት በማድረግ የተለያዩ የቅድመ ዝግጅት ሥራዎችን ሲያከናውን ቆይቷል፡፡ አሁን ላይ የመማሪያ ክፍሎች፣ ቤተ-ሙከራዎች፣ ቤተ-መጽሐፍት፣ የኮምፕዩተር ላብራቶሪዎች ኮቪድ-19ን ባገናዘበ መልኩ ለተማሪዎች ዝግጁ ተደርገዋል ብለዋል፡፡ መንግሥት ባስቀመጠው አቅጣጫ መሠረት ዩኒቨርሲቲው ተማሪዎችን በ3ት ዙር እንደሚቀበል የተናገሩት ዶ/ር የቻለ በመጀመሪያው ዙር 4,574 ተመራቂ ተማሪዎችን ተቀብሎ በሁለት ወራት ወስጥ አስተምሮ ያስመርቃል ብለዋል፡፡

Read more: አርባ ምንጭ ዩኒቨርሲቲ በኮቪድ-19 ምክንያት የተቋረጠውን የመማር ማስተማር ሥራ ለማስጀመር ቅድመ ዝግጅት ማጠናቀቁን ገለፀ

የዓባያና ጫሞ ሐይቆች ከመጠን በላይ በመሙላት ከብዙ ዓመታት በኋላ ዳግም መገኛኘታቸው ተገለጸ

Saturday, 31 October 2020 10:44

ላለፉት ሦስት ዓመታት እየጣለ ባለው ዝናብ አማካኝነት እየገባ ባለው ከፍተኛ ደለል ምክንያት የዓባያና ጫሞ ሐይቆች ከመጠን በላይ መሙላታቸውና ከብዙ ዓመታት በኋላ ሐይቆቹ ዳግም መገናኘታቸው ተገልጿል፡፡ ላለፉት 45 ዓመታት ተቋርጦ የቆየው ጫሞ በሰገን በኩል የሚያደርገው ፍሰትም ጥቅምት 16/2013 ዓ/ም ዳግም ጀምሯል፡፡

የውሃ ሥነ-ምኅዳር ተማራማሪው ዶ/ር ፋሲል እሸቱ እንደገለጹት ዓባያ ሐይቅ ከጫሞ ሐይቅ በአማካይ የ67 ሜትር ከፍታ ላይ የሚገኝ በመሆኑ ሐይቁ ከመጠን በላይ በሚሞላ ጊዜ በዋሎ ረግረጋማ ሥፍራ በኩል ኩልፎ ወንዝን በመቀላቀል ወደ ጫሞ ሐይቅ የሚገባ ሲሆን ጫሞ ሐይቅም በሰገን በኩል ወደ ሰርማሌ ወንዝ እንደሚተነፍስ የምርምር ድርሳናት ያመላክታሉ፡፡ ነገር ግን እ.አ.አ ከ1975 ጀምሮ ላለፉት 45 ዓመታት የጫሞ ሐይቅ በሰገን በኩል ወደ ሰርማሌ የሚያደርገው ፍሰት ተቋርጦ የቆየ ሲሆን እ.አ.አ አቆጣጠር ከ1980-2013 ድረስ ደግሞ የጫሞና የዓባያ ሐይቆች ግንኙነት የተቋረጠ በመሆኑ ምክንያት የጫሞ ሐይቅ መጠን እየቀነሰና ጨዋማነቱ እየጨመረ እንደመጣ የተለያዩ የምርምር ውጤቶች እንደሚጠቁሙ ዶ/ር ፋሲል ተናግረዋል፡፡ ፎቶዎቹን ለማየት እዚህ ይጫኑ

Read more: የዓባያና ጫሞ ሐይቆች ከመጠን በላይ በመሙላት ከብዙ ዓመታት በኋላ ዳግም መገኛኘታቸው ተገለጸ

 

የነባርና አዲስ ገቢ ድኅረ ምረቃ ተማሪዎች ምዝገባ ማስታወቂያ

Friday, 23 October 2020 17:19

የ2013 የትምህርት ዘመን፡-

1. የምዝገባ ቀናት - ከጥቅምት 18-20/2013 ዓ.ም

2. የምዝገባ ቦታ - በካምፓስ ሬጅስትራር ማስተባበሪያ ጽ/ቤቶች

3. ትምህርት የሚጀመርበት ቀን ጥቅምት 23/2013 ዓ.ም መሆኑን እንገልጻለን፡፡

አርባ ምንጭ ዩኒቨርሲቲ ሬጅስትራርና አልሙናይ ዳይሬክቶሬት

የኮሚዩኒኬሽን ጉዳዮች ዳይሬክቶሬት

የ2012 ዓ/ም ተመራቂ ተማሪዎች የመልሶ ቅበላ መርሃ ግብር ማስታወቂያ

Friday, 23 October 2020 17:17

በ2012 ዓ/ም በኮቪድ - 19 ወረርሽኝ ምክንያት የተቋረጠው የከፍተኛ ትምህርት ተቋማት የመማር ማስተማር ሂደት በ2013 የትምህርት ዘመን እንዲቀጥል መንግሥት በወሰነው መሠረት አርባ ምንጭ ዩኒቨርሲቲ የ2012 ዓ/ም ተመራቂ ተማሪዎችን ከጥቅም 25 – 26/2013 ዓ/ም የመልሶ ቅበላ መርሃ ግብር ያካሂዳል፡፡

በመሆኑም ተመራቂ ተማሪዎች በተጠቀሰው ቀን በዩኒቨርሲቲው በመገኘት በምትማሩበት ትምህርት ክፍል ሪፖርት እንድታደርጉ እንዲሁም ከጥቅምት 27/2013 ጀምሮ በተመደባቸሁበት መማሪያ ክፍል ተገኝታችሁ ትምህርታችሁን እንድትከታተሉ እናሳስባለን፡፡

Read more: የ2012 ዓ/ም ተመራቂ ተማሪዎች የመልሶ ቅበላ መርሃ ግብር ማስታወቂያ

 

Page 9 of 270

«StartPrev12345678910NextEnd»
Graduation Countdown 26.01.2021 8:00

Follow Us on

FacebookYoutubeTwitterLinkedin